26 қараша күні Түркиядағы Ыстанбұл қаласының Бағжылар ауданында Алтайдан Анадолыға қоныс аударған қазақтардың Түркия мемлекетін мекендеуіне 70 жыл толуына орай «Отандастар» қорының ұйымдастырумен «Қазақ көшінің Түркияға келуіне 70 жыл» тақырыбындағы кең көлемді іс-шара өтті.
Іс-шараға қолдаушы болған Ыстанбұл қаласы Бағжылар ауданында екі елдің бауырластығын айқындайтын «Достық» ескерткіші ашылды. Сонымен қатар, көш туралы ғылыми конференцияда елге танымал қазақ, түрік ғалымдары баяндамалар жасап, арнайы түсірілген деректі филім көрсетілді. Іс-шара соңында екі елдің достығы мен дамуына үлес қосып жүрген азаматтар марапатталды.
Екі елдің достық қарым-қатынасы және Жаңа Қазақстандағы Түркиялық қандастардың рөлі мен бауырлас елдердің ынтымақтастығын дәріптеу жалғаса бермек.
«Арман» АКО