Сурет: әлеуметтік желіден алынды
Араға 13 жыл салып Республика күні мемлекеттік мерекелер ретінде қайта оралды. Атаулы датаның еліміз үшін маңызы орасан. Себебі, Республика күні – егемендігімізді ұлықтау күні.
1990 жылы 25 қазанда Қазақстанның егемендігі туралы декларация қабылданды. Декларацияда алғаш рет ел аумағының тұтастығы, қазақ халқының және Қазақстандағы басқа да ұлт өкілдерінің мәдениетін, дәстүрін, тілін қайта түлету, ұлттық болмысты қалыптастыру әрі нығайту сияқты мемлекеттік қағидаттар бекітілді. Сонымен қатар, құжатта саяси, экономикалық және әлеуметтік мәселелерді өз бетінше шешу принципі жарияланды. Одан бөлек, мемлекетке ішкі әскер, мемлекеттік қауіпсіздік және ішкі істер органдарын құру құқығы берілді.
2001 жылдан бері бұл мейрам мемлекеттік мейрам ретінде аталып өте бастады. Алайда 2009 жылы тиісті заңға өзгеріс енгізіліп, Республика күні мемлекеттік мерекелер тізімінен шығарылды.
Биыл президент Қасым-Жомарт Тоқаев Ұлттық құрылтайдың отырысында аталған мейрамды қайтару қажеттігін мәлімдеп, парламент тиісті заңды қабылдады.
«Арман» АКО ұжымы сіздерді шын жүректен құттықтайды! Қазақстанның жеке мемлекет құру жолындағы тарихи қадамының нышаны саналатын Республика күні құтты болсын! Тәуелсіздігіміз тұғырлы, заманымыз бейбіт болғай!
«Арман» АКО